Сітуацыю ў Беларусі абмяркуе 20 чэрвеня ў Страсбургу камісія па палітычных пытаннях Парламенцкай асамблеі Савета Еўропы.
Паводле папярэдняй праграмы пасяджэння, у абмеркаванні возьмуць удзел старшыня Беларускага Хельсінкскага камітэта Алег Гулак і ганаровы старшыня Аб`яднанай грамадзянскай партыі Станіслаў Багданкевіч.
Савет Еўропы — міжнародная палітычная арганізацыя, якая садзейнічае правам чалавека і дэмакратычным стандартам у Еўропе. Беларусь — адзіная еўрапейская краіна, якая не ўваходзіць у Савет Еўропы. Статус спецыяльнага запрошанага ў ПАСЕ яна страціла 13 студзеня 1997 года.
Антон Тарас,
БелаПАНМінск, 20 чэрвеня 2011
