Міжнародны дзень роднай мовы быў абвешчаны Генеральнай канферэнцыяй ЮНЕСКА ў лістападзе 1999 года і адзначаецца з 2000 года.
Ён закліканы садзейнічаць моўнай і культурнай разнастайнасці і шматмоўю.
Эксперты мяркуюць, што калі не прыняць меры, то палова з прыкладна шасці тысяч моў, на якіх гавораць сёння, знікне ўжо да канца ХХI стагоддзя.
Паводле дадзеных ЮНЕСКА, за перыяд жыцця апошніх трох пакаленняў людзей з шасці тысяч існуючых у свеце моў ужо зніклі больш за 200 моў, 576 знаходзяцца ў крытычным становішчы, 528 мовам пагражае сур’ёзная небяспека, 646 знаходзяцца ў небяспецы.
Звязда, 21 лютага 2014
