Найбліжэйшы канец свету можа настаць не раней чым праз 400 тысяч гадоў, сцвярджае астролаг Ігар Кірушын. Такі пункт гледжання ён выказаў падчас прэс-канферэнцыі, прысвечанай міфу пра канец свету, 29 лістапада ў Мінску.
"Найбліжэйшыя сур`ёзныя ўзрушэнні чакаюць Зямлю праз 400 тысяч гадоў. Штогод з`яўляюцца людзі, якія гавораць пра канец свету, мабыць, для таго, каб было што абмяркоўваць", — заявіў Кірушын.
Ён растлумачыў, што канец свету не можа адбыцца за адзін канкрэтны дзень, гэта працяглы працэс, які азначае не літаральнае знішчэнне планеты, а пераход ад адной цывілізацыі да іншай.
"Канец свету мае розныя формы, такія, як, напрыклад, сусветны патоп, сусветны пажар, а таксама катаклізмы мацнейшага маштабу, якія суправаджаюцца землетрасеннем і г.д.", — сказаў астролаг.
БелаПАН29 лістапада 2012
