Галоўным дасягненнем за час свайго кіраўніцтва Аляксандр Лукашэнка лічыць захаванне незалежнасці Беларусі.
Пра гэта ён заявіў у інтэрв`ю брытанскай газеце "Індэпэндэнт" і тэлеканалу Бі-бі-сі, апублікаваным 19 кастрычніка.
"Я б не сказаў, што гэта мае асабістыя дасягненні. Так, я як кіраўнік дзяржавы, які валодае вялікімі паўнамоцтвамі па Канстытуцыі нашай краіны, адыграў пэўную ролю ў гэтым, можа, вызначальную, давайце не будзем тут выдыгаць і гаварыць пра тое, сціпла гэта ці не. Я абавязаны быў адыграць вызначальную ролю, але гэта праца многіх людзей і, шчыра скажу, усяго беларускага народа, які не толькі чуў мяне, але і слухаў, і рабіў так, як я прасіў. Таму гэта такі вялікі працэс, усёабдымны працэс", — сказаў Лукашэнка.
"Ніхто тады не мог падумаць, што мы на працягу 20 гадоў можам захавацца як дзяржава ад знішчэння, ад працэсаў далучэння ці дзялення", — дадаў ён.
"Ніхто ж пра гэта не кажа і не ведае, а напярэдадні прэзідэнцкіх выбараў нават у нас ішлі актыўныя размовы (яны ў Польшчы і зараз не сціхаюць, і карты надрукавалі), што заходняя Беларусь — гэта польская тэрыторыя, яна незаконна належыць Беларусі. А на Палессі, на поўдні краіны, быў нацыяналістычны сепаратысцкі рух аб аддзяленні паўднёвай часткі Украіны і стварэнні Палескай рэспублікі. Гэта значыць, ішлі і такія цэнтрабежныя працэсы ў Беларусі. Ну, а потым, вядомы выраз, што "няблага было б, каб Беларусь стала паўночна-заходнім краем Расіі", "каб Беларусь губернямі, абласцямі ўвайшла ў склад Расіі. Але нам удалося супрацьстаяць гэтаму", — падкрэсліў Лукашэнка.
БелаПАНМінск, 20 кастрычніка 2012
