«Генеральная Асамблея ААН абвяргае і безумоўна асуджае любое поўнае або частковае адмаўленне халакоста як гістарычнай падзеі. Настойліва заклікае ўсе дзяржавы-члены безумоўна адпрэчваць любое поўнае або частковае адмаўленне халакоста як гістарычнай падзеі або любое скажэнне яго гісторыі і любыя дзеянні,» — гаворыцца ў прынятай рэзалюцыі.

У Генасамблеі нагадалі аб знішчэнні амаль 6 млн яўрэяў, у тым ліку 1,5 млн дзяцей, што складае адну трэць усіх яўрэяў. Падчас халакосту былі забіты таксама мільёны прадстаўнікоў іншых нацыянальнасцей. Аўтары рэзалюцыі падкрэслілі, што напамінак пра халакост павінен служыць перасцярогай аб небяспеках, якія ўтойваюць у сабе нянавісць, фанатызм і расізм.

Генеральная Асамблея ААН настойліва заклікала дзяржавы-члены і кампаніі, якія валодаюць сацыяльнымі сеткамі, актыўна прымаць меры, каб супрацьдзейнічаць выкарыстанню інфармацыйна-камунікацыйных тэхналогій для распаўсюджвання матэрыялаў у мэтах прапаганды антысемітызму, адмаўлення халакосту і скажэнні яго гісторыі, а таксама садзейнічаць выяўленню інфармацыі аб такіх матэрыялах.

Сааўтарамі рэзалюцыі выступілі больш за 60 краін, сярод якіх Ізраіль, Германія, Беларусь, Арменія, Турцыя, ЗША.

Звязда, 21 студзеня 2022