Праваслаўная царква 21 лістапада адзначае Сабор Архістратыга Міхаіла і іншых нябесных сіл бясплотных, ці Міхайлаў дзень.

Свята было ўстаноўлена ў горадзе Лаадыкія на Памесным саборы хрысціянскай Царквы ў IV стагоддзі, а дата 21 лістапада абраная не выпадкова (па старым стылі — 8 лістапада) — гэты месяц лічыўся пачаткам года. Міхайлаў дзень з`яўляецца непераходзячым святам.

У гэты дзень вернікі ўспамінаюць усіх анёлаў і архангела Міхаіла, які стаіць на чале. Царква паважае яго як правадыра нябеснага войска — архістратыга. Міхаіл стаіць на чале нябеснага войска анёлаў, серафімаў, херувімаў і іншых памочнікаў. Таксама Міхаіла называюць абаронцам душ тых, хто памёр — ён пераносіць душы са свету жывых на неба. Архангел Міхаіл на Страшным судзе пакліча мёртвых з магіл і будзе ўзважваць душы грэшнікаў, каб маліцца Госпаду аб прабачэнні.

Архангел Міхаіл — пераможца злых духаў, якія з`яўляюцца крыніцай хвароб, таму праваслаўныя ў гэты дзень моляцца Міхаілу аб вылячэнні хвароб, умацаванні сіл, вызваленні ад смутку. На абразах Архангел Міхаіл намаляваны з вогненным мячом ці дзідай.

У Міхайлаў дзень нельга сварыцца. Да гэтага дня заканчваліся ўсе працы і жанчыны ладзілі дома сапраўдныя баляванне, сталы накрывалі шчодра. Паста ў гэты дзень няма, таму можна ўжываць любую ежу.

Аднак у гэты дзень нельга выконваць сур`ёзную працу, напрыклад, секчы сякерай, рэзаць нажом. У адваротным выпадку можна ўгневаць святога Міхаіла.

Мінск, 21 лістапада 2017
Sputnik