«Акрамя call-цэнтраў, якія знаходзяцца ва Украіне, распрацавана цэлая сістэма навучання аператараў. Ёсць вучэбныя цэнтры, якія таксама знаходзяцца ва Украіне. Гэта можа быць адзін вучэбны цэнтр на некалькі гарадоў, куды прыводзяць так званых спецыялістаў, якія потым будуць працаваць аператарамі. Іх навучаюць і тлумачаць, як размаўляць, прадастаўляюць пэўныя матэрыялы і набор слоў, як у той ці іншай сітуацыі даводзіць нешта да грамадзян Беларусі», — адзначыў Іван Кубракоў.

Паводле слоў міністра ўнутраных спраў, беларускія міліцыянеры праводзяць не толькі аператыўную, але і прафілактычную работу ва ўсіх рэгіёнах Беларусі. «Гэтым злачынствам падвяргаюцца менавіта людзі пажылога ўзросту. У нас актыўна працуюць участковыя інспектары міліцыі. Праз СМІ мы таксама даводзім гэту інфармацыю, за што дзякуй журналістам. Мы прыводзім канкрэтныя прыклады», — заявіў ён.

Міністр унутраных спраў падкрэсліў, што маштабы падману вельмі і вельмі вялікія. Толькі ў гэтым годзе нанесены ўрон ад такой катэгорыі махлярстваў склаў $4,5 млн. «Такой колькасцю грошай на тэрыторыі Беларусі завалодалі махляры, якія знаходзяцца ва Украіне. Мы даводзім лічбы, расказваем аб гэтым. На жаль, часам нашы грамадзяне не чуюць», — сказаў на заканчэнне Іван Кубракоў.

Звязда, 25 лістапада 2022