Дзяржаўны камітэт па навуцы і тэхналогіях Беларусі і Міністэрства адукацыі, навукі і тэхналагічнага развіцця Сербіі аб’явілі конкурс сумесных навукова-тэхнічных праектаў на 2022-2023 гады.
Заяўкі прымаюцца з 22 лістапада па 21 снежня 2021 года па наступных прыярытэтных напрамках двухбаковага супрацоўніцтва: лічбавыя інфармацыйна-камунікацыйныя і міждысцыплінарныя тэхналогіі; біялагічныя, медыцынскія, фармацэўтычныя і хімічныя тэхналогіі; энергетыка, будаўніцтва, экалогія і рацыянальнае прыродакарыстанне; машынабудаванне, машынабудаўнічыя тэхналогіі, прыборабудаванне і інавацыйныя матэрыялы; аграпрамысловыя і харчовыя тэхналогіі; забеспячэнне бяспекі чалавека, грамадства і дзяржавы.
Дакументы на конкурс павінны змяшчаць падрыхтаваны ва ўстаноўленым парадку бізнес-план, пісьмовыя абавязацельствы дзяржаўнага заказчыка па практычным выкарыстанні вынікаў даследаванняў і распрацовак і па долевым удзеле ў фінансаванні. Запоўненыя формы неабходна накіраваць у электронным выглядзе на адрас ДКНТ праз ІАС «Экспертыза».
Конкурс сумесных навукова-тэхнічных праектаў праводзіцца ў адпаведнасці з пагадненнем паміж урадамі Беларусі і Югаславіі аб навукова-тэхнічным супрацоўніцтве ад 6 сакавіка 1996 года.
Звязда, 22 лістапада 2021
