Урад Ізраіля сёння аб`явіў аб трэцяй агульнанацыянальнай ізаляцыі, якая ўступіць у сілу 27 снежня і прадоўжыцца два тыдні. Абмежаванні будуць прадоўжаны яшчэ на два тыдні, калі паказчыкі захваральнасці на каранавірус істотна не знізяцца.

Федэрацыя гандлёвых палат Ізраіля прагназуе, што трэцяя блакіроўка прывядзе да штодзённых эканамічных страт у памеры $559 млн.

Паводле даных кансалтынгавай кампаніі CofaceBdi, найбольшы ўрон будзе нанесены невялікім фірмам, у якіх працуе да пяці чалавек, рознічным магазінам, рэстаранам і турыстычным кампаніям, індывідуальным пастаўшчыкам паслуг, такім як персанальныя трэнеры або касметолагі, пастаўшчыкам бізнес-паслуг, уключаючы паслугі бяспекі, бухгалтарскага ўліку, рэкламы і прыбірання.

У CofaceBdi лічаць, што кампаніі, якім удалося адаптавацца да новых абставін, звярнуўшыся да анлайн-продажаў, дастаўкі і відэа-канферэнц-сувязі, павялічылі свае шанцы на выжыванне.

24 снежня 2020, Мінск
БЕЛТА