Паводле статыстычных дадзеных, прадстаўленых у Сіняй кнізе «Даклад аб развіцці Інтэрнэту ў Кітаі-2020», сёлета трэць тэхналогій сувязі 5G ў свеце з Кітая. КНР лідзіруе ў свеце па гэтай тэхналогіі, валодае відавочным перавагай па колькасці патэнтаў, у адпаведнай катэгорыі кампанія Huawei займае першае месца, а ZTE — трэцяе, перадае «Жэньмінь жыбаа» анлайн».

Па словах намесніка міністра прамысловасці і інфарматызацыі КНР Лю Лехуна, Кітай будуе найбуйнейшую ў свеце сетку 5G, колькасць станцый сувязі пятага пакалення дасягае 700 тысяч — 70% ад агульнай колькасці ў свеце. Гэтыя станцыі злучаюць звыш 180 млн тэрміналаў.

Лю Лехун таксама адзначыў, што ў час эпідэміі расце попыт на выдаленую працу, анлайн-навучанне і інтэрнэт-забавы, рэзка вырас інтэрнэт-трафік — на 50% у параўнанні з канцом 2019 года. «Услед за тым, як прамысловасць становіцца асноўным полем барацьбы за інтэграцыю інфармацыйна-камунікацыйных тэхналогій і рэальнага сектара эканомікі, лічбавая трансфармацыя прамысловасці ўступіла ў ключавы перыяд. Новыя тэхналогіі імкліва ўводзяцца ў эксплуатацыю. Базавыя тэлекамунікацыйныя прадпрыемствы прыкладваюць намаганні для прасоўвання інавацыйных дадаткаў, абсталявання, вытворчасці, апрацоўчай і горназдабыўной прамысловасці, транспартнай індустрыі на базе 5G, умацоўваюць спалучэнне попыту і прапановы», — адзначыў Лю Лехун.

Звязда, 18 снежня 2020