2 верасня ў Мінску, у Выканаўчым камітэце СНД, пройдзе чарговае пасяджэнне экспертнай групы па дапрацоўцы і ўзгадненні праекта праграмы супрацоўніцтва дзяржаў —удзельніц Садружнасці ў барацьбе з гандлем людзьмі на 2014—2018 гады.
Як паведаміла прэс-служба Выканкама СНД, праект праграмы распрацаваны сакратарыятам і навукова-метадычным цэнтрам Каардынацыйнага савета генеральных пракурораў краін Садружнасці. Праграма з`яўляецца ўжо чацвёртым па ліку аналагічным дакументам, створаным у межах СНД. Тэрмін дзеяння папярэдняй заканчваецца ў гэтым годзе.
Комплекс мер, прадугледжаных праграмай, грунтуецца на прынцыпах і нормах міжнароднага права, аналізе сітуацыі са злачыннасцю і прагнозе яе развіцця ў краінах СНД, выніках навуковых даследаванняў практыкі барацьбы з гандлем людзьмі, у тым ліку вопыту сумесных дзеяннях, прапановах экспертаў і прадстаўнікоў кампетэнтных органаў дзяржаў Садружнасці, што паступілі на адрас распрацоўшчыкаў.
Мэта праграмы — удасканальванне супрацоўніцтва краін, дзейнасці статутных органаў і органаў галіновага супрацоўніцтва СНД у барацьбе з гандлем людзьмі. Дакументам прадугледжаны далейшае пашырэнне і ўмацаванне міжнародна-прававой базы супрацоўніцтва, уніфікацыя і гарманізацыя заканадаўства ў сферы процідзеяння гандлю людзьмі і аказання дапамогі яе ахвярам, правядзенне ўзгодненых працэсуальных дзеянняў, прафілактыкі аператыўна-вышуковых мерапрыемстваў і спецаперацый, інфармацыйнае і навуковае забеспячэнне супрацоўніцтва, узаемадзеянне ў падрыхтоўцы кадраў і павышэнні кваліфікацыі спецыялістаў.
Вячаслаў Будкевіч,
БелаПАНМінск, 1 верасня 2013
