Пячэрскі раённы суд Кіева пачне сёньня разгляд крымінальнай справы супраць былой прэм`ер-міністаркі Ўкраіны Юліі Цімашэнкі. Яе вінавацяць у перавышэньні паўнамоцтваў пры падпісаньні кантрактаў з Расеяй аб пастаўках газу на пачатку 2009 году.
Чакаецца, што ля будынку суду зьбяруцца на мітынг прыхільнікі Цімашэнкі, на сёньняшні дзень лідэркі апазыцыйнай партыі “Бацькаўшчына”.
Сама Юлія Цімашэнка адмаўляе сваю віну і лічыць працэс над ёй палітычным. Супраць экс-прэм`ера Ўкраіны заведзена яшчэ адна крымінальная справа па абвінавачаньні ў нямэтавым выдаткаваньні сродкаў; да суду гэтая справа пакуль што не дайшла.
Радыё Свабода24 чэрвеня 2011
