Паводле даных Дэпартамента статыстыкі Эстоніі, аб`ёмы імпартуемых з Беларусі тавараў, якія ў асноўным ідуць праз Эстонію транзітам, сталі рэкорднымі ў бягучым годзе. За першыя дзесяць месяцаў бягучага года ў Эстонію з Беларусі было ўвезена тавараў на 500 млн еўра. У асноўным гэта цяжкія нафтапрадукты, такія як мазут.

Акрамя таго, дзякуючы росту цэн на нафтапрадукты Беларусь увайшла ў дзясятку краін з найбольшымі аб`ёмамі імпарту ў Эстонію.

Нафтапрадукты праз Эстонію ў асноўным перавозяцца чыгункай, і большая частка гэтых грузапатокаў абслугоўваецца дзяржкампаніяй Operail. Паводле слоў кіраўніка прадпрыемства Рауля Тоомсалу, заказчыкамі паслуг Operail выступаюць не беларускія грузаадпраўшчыкі, а мясцовыя кампаніі.

15 снежня 2021, Мінск
БЕЛТА