https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Беларусь і В’етнам прарабатываюць пытанні разлікаў у нацвалютах і адкрыццё прамога авіярэйса


Аб гэтым паведамілі ў прэс-службе ўрада.
Беларусь і В’етнам прапрацоўваюць пытанні разлікаў у нацыянальных валютах і адкрыццё прамога авіярэйса. Аб гэтым заявіў намеснік прэм’ер-міністра Анатоль Сівак пасля пасяджэння міжпраўкамісіі па гандлёва-эканамічным супрацоўніцтве, якое прайшло ў Ханоі.

Урадавая дэлегацыя гэтымі днямі знаходзіцца з рабочым візітам у В’етнаме. Бакі абмяркоўваюць дзейныя і будучыя прыярытэтныя праекты.

Анатоль Сівак звярнуў увагу на праблему з лагістыкай, якую неабходна вырашаць: па пэўных групах тавараў тэрміны дастаўкі з Беларусі ў В’етнам і ў зваротным напрамку дасягаюць 90 дзён. «Мы ва ўрадзе працуем над гэтым. Ёсць адпаведная рабочая група. І другое пытанне прагучала — работа ў нацыянальных валютах. Гэтыя два моманты да сённяшняга дня з’яўляюцца пэўным тормазам», — сказаў Анатоль Сівак.

Таксама віцэ-прэм’ер заявіў аб гатоўнасці авіякампаніі «Белавія» выконваць рэйсы ў В’етнам. У бліжэйшы час трэба будзе вырашыць тэхнічныя моманты, каб арганізаваць авіязносіны.

Як паведамлялася раней, Беларусь і В’етнам плануюць пашырыць супрацоўніцтва ў сферы АПК. Беларуская малочная прадукцыя прайшла сертыфікацыю, на завяршальнай стадыі — неабходныя працэдуры для паставак ялавічыны. У выніку каля 20 айчынных прадпрыемстваў атрымаюць доступ на віетнамскі рынак.

Таксама абмяркоўваецца сумесная зборачная вытворчасць беларускіх трактароў. Ужо выбрана пляцоўка, у распрацоўцы — некалькі мадэлей для мясцовага і суседніх рынкаў. У бліжэйшы час запланаваны выпуск пробнай партыі.

Звязда, 2 красавіка 2025
 
Дата публикации:02.04.2025
Тематика:Транспорт, В мире
Просмотров:47
 
Ключевые слова:
Вьетнам Сотрудничество Авиаперевозки
 
 


Комментарии



 



Другие новости по этой теме