Сейм Латвіі прыняў у першым чытанні папраўкі, якія забараняюць эксплуатацыю аўтамабіляў з беларускай рэгістрацыяй, паведамляе Baltnews.
Адзначаецца, што транспартныя сродкі, якія зарэгістраваны ў Беларусі, павінны пакінуць тэрыторыю Латвіі да 31 кастрычніка, ці ўладальнікі павінны іх перарэгістраваць.
Ёсць некаторыя выключэнні, у прыватнасці, для асоб з абмежаванымі магчымасцямі, якія кіруюць аўтамабілямі, зарэгістраванымі на іх, і едуць у Латвію наведваць сваякоў.
Таксама на аўтамабілі з беларускай рэгістрацыяй можна будзе ўехаць у Латвію "ў асаблівых выпадках, звязаных з бяспекай", для гэтага трэба атрымаць дазвол ад Службы фінансавай разведкі.
У лютым мінулага года ў Латвіі набыло моц рашэнне Сейма, паводле якога можна канфіскоўваць аўтамабілі з расійскімі нумарамі, якія не былі перарэгістраваны да 14 лютага.
