Амаль 60 тыс. смерцяў ад каранавіруса ў Кітаі зафіксавалі ў перыяд з 8 снежня 2022 года па 12 студзеня 2023 года. У 54 тыс. гэтых пацыентаў былі звязаныя з іншымі захворваннямі ўскладненні. Каля 5,5 тыс.чалавек загінулі з-за рэспіраторных праблем, выкліканых ковідам. Адзначаецца, што ў статыстыцы не адлюстроўваюцца выпадкі смерці ад наступстваў COVID-19 па-за медычнымі ўстановамі.

Агенцтва прыводзіць сярэдні ўзрост памерлых — 80 гадоў. Пераважная большасць гэтых людзей мелі іншыя праблемы са здароўем, у ліку якіх былі сардэчна-сасудзістыя захворванні, парушэнні абмену рэчываў, пухліны.

Як запэўніваюць кітайскія спецыялісты, пік распаўсюджвання каранавіруса ў краіне ўжо пройдзены.

Звязда, 15 студзеня 2023