Мемарыял выкананы ў выглядзе каменнай стэлы, на адным баку якой пад контурным малюнкам Беларусі на трох мовах — іўрыце, англійскай і беларускай — напісана «У памяць пра 800 тысяч яўрэяў, якія загінулі ў гады халакоста на беларускай зямлі. І ў падзяку беларусам-праведнікаў народаў свету».У 1941-1944 гады ў Беларусі нямецкія акупанты стварылі і знішчылі больш за 370 гета".

Помнік — сумесная ініцыятыва дыппрадстаўніцтва і Усеізраільскага аб’яднання выхадцаў з Беларусі пры падтрымцы яўрэйскага Нацыянальнага фонду і бізнесу. На цырымоніі прысутнічалі каля 200 чалавек, у тым ліку прадстаўнікі ўрада і парламента Ізраіля.

Удзельнікі ўсклалі да мемарыяла вянкі і кветкі, а таксама камяні па яўрэйскай традыцыі.

Звязда, 22 кастрычніка 2022