Па інфармацыі СМІ, рух «Камітэт свабоды Вероны» сабраў жыхароў горада на плошчы Пьяцца-Арсенале. Арганізатары маршу заявілі, што асвятленне таго, што адбываецца ва Украіне адрозніваецца аднабокасцю, што прымусіла «Камітэт свабоды Вероны» выказаць сваё меркаванне.

«Цягам некалькіх тыдняў мы не займалі выразнай пазіцыі ў дачыненні да канфлікту ва Украіне. Ён арганізаваны, вядзецца і падтрымліваецца заходнімі сіламі, якія манеўруюць пад кіраўніцтвам НАТА. НАТА распраўляецца з украінскім народам. І васальныя ўрады падпарадкоўваюцца. Менавіта па гэтай прычыне мы вырашылі адрэагаваць, назваўшы рэчы сваімі імёнамі, як ёсць», — адзначылі арганізатары мітынгу.

У матэрыяле Verona Sera таксама паведамляецца, што «Камітэт свабоды Вероны» раней адправіў адкрыты ліст у расійскае пасольства, у якім рух выказала нязгоду з рашэннем італьянскага ўрада адправіць зброю ў Украіну.

Некалькі дзён таму прэм’ер-міністр Італіі Марыё Драгі заявіў, што Рым павялічыць аб’ём дапамогі Кіеву да 800 млн еўра і ўжо вылучыў каля 500 млн еўра на падтрымку ўкраінскіх бежанцаў. Аб’ёмы і канкрэтныя параметры паставак зброі Украіне засакрэчаныя.

Звязда, 8 траўня 2022