Першы пацверджаны выпадак інфікавання новым варыянтам XE амікрон-штама каранавіруса быў зафіксаваны ў Аўстраліі.

"Гэта першая паслядоўнасць XE, выяўленая ў Аўстраліі, і гэты варыянт быў знойдзены ў чалавека, які нядаўна вярнуўся з-за мяжы", - пазначана ў справаздачы, тэкст якой быў размешчаны на сайце міністэрства.

Як адзначаюць у аўстралійскім Міністэрстве аховы здароўя, на гэты момант у краіне, дзе з пачатку пандэміі было выяўлена больш за 5,26 млн заражаных каранавірусам новага тыпу, дамінуе амікрон-штам - BA.2. Агульная колькасць памерлых з-за ўскладненняў, выкліканых COVID-19, складае 6693. Выздаравелі пасля хваробы больш за 4,9 млн інфікаваных, яшчэ прыкладна ў 257 тыс. пацыентаў зафіксавана актыўная фаза захворвання. За апошнія суткі ў краіне выявілі 54 094 новыя выпадкі заражэння.

Варыянт XE быў упершыню выяўлены 19 студзеня 2022 года ў Вялікабрытаніі. Паводле папярэдніх ацэнак Сусветнай арганізацыі аховы здароўя, новы варыянт каранавіруса можа стаць самым заразным з усіх, выяўленых да гэтага.

15 красавіка 2022, Мінск
БЕЛТА