Больш за пяць мільёнаў чалавек пакінулі тэрыторыю Украіны з 24 лютага па 19 красавіка, сведчаць дадзеныя, апублікаваныя на партале Упраўлення вярхоўнага камісара ААН па справах бежанцаў (УВКБ).
Амаль за два месяцы Украіну пакінулі 5031306 чалавек.
З іх:
*у Польшчу - больш за 2,8 мільёны,
*Румынію - звыш 757 тысяч,
*Расію - каля 550 тысяч,
*Венгрыю - больш за 471 тысячу,
*Малдавію - амаль 427 тысяч,
*Славакію - каля 343 тысяч.
*Больш за 23 тысячы ўкраінскіх бежанцаў прыняла Беларусь.
Дадзеныя за суткі
Паводле інфармацыі Дзяржпагранкамітэта Беларусі, за мінулыя суткі ў Беларусь прыбылі 150 украінцаў. Праз украінска-беларускую мяжу - 1, транзітам праз Польшчу - 128, праз Літву - 13, праз Латвію - 8.
У ДПК нагадалі, што беларускія пункты пропуску на граніцы з Украінай працуюць у штатным рэжыме. У камітэце таксама дадалі, што на дадзены момант для ўезду ў Беларусь не патрэбны ПЦР-тэст.
Спецаперацыя Расіі
Прэзідэнт Расіі Уладзімір Пуцін 21 лютага аб`явіў аб прызнанні незалежнасці Луганскай і Данецкай народных рэспублік. Праз трое сутак Расія пачала спецыяльную ваенную аперацыю, мэтай якой Пуцін назваў "дэмілітарызацыю і дэнацыфікацыю" Украіны.
У першы ж дзень спецаперацыі бакі пачалі гаварыць аб неабходнасці правядзення перагавораў. Першы раўнд адбыўся 28 лютага, за ім рушылі ўслед яшчэ два - 3 і 7 сакавіка. Усе яны прайшлі на тэрыторыі Беларусі.
Потым перамовы праводзіліся ў фармаце відэаканферэнцсувязі.
Чацвёртая вочная сустрэча прайшла ў Стамбуле 29 сакавіка. Па іх выніках Уладзімір Мядзінскі адзначыў, што яны прайшлі канструктыўна, расійскі бок атрымаў шэраг прапаноў ад украінскай.
