Ваенна-палітычная абстаноўка ў зоне адказнасці АДКБ характарызуецца як складаная, заявіў начальнік Аб’яднанага штаба арганізацыі, генерал-палкоўнік Андрэй Сердзюкоў на брыфінгу ў Маскве.
"Галоўнай крыніцай пагроз ваеннай бяспецы працягвае заставацца дэструктыўная дзейнасць ЗША і краін Захаду, у выніку якой руйнуюцца заснаваныя на прынцыпах Статута ААН сталыя канструкцыі забеспячэння сусветнай бяспекі", - упэўнен генерал.
Паводле яго слоў, асноўныя выклікі для АДКБ ва Усходняй Еўропе – гэта бесперапынны націск з боку заходніх краін у палітычнай, фінансава-эканамічнай і інфармацыйнай сферах. Таксама гэта пашырэнне НАТА на ўсход "з улікам мілітарызацыі Польшчы і краін Балтыі".
Пракаментаваў Сердзюкоў і сітуацыю на Каўказе. Паводле яго слоў, асобныя дзяржавы імкнуцца ўмацаваць свае пазіцыі ў паўднёвай частцы гэтага макрарэгіёна і атрымаць доступ да рэсурсаў Каспія, забяспечыць прамы выхад у Цэнтральную Азію.
"Для гэтага актыўна выкарыстоўваецца ў тым ліку высокі канфліктны патэнцыял армяна-азербайджанскай мяжы. Важнае значэнне ў далейшым урэгуляванні сітуацыі захавае заключэнне мірнага пагаднення", - адзначыў начштаба.
Звярнуў ён увагу і на пагрозы з боку міжнародных тэрарыстычных і экстрэмісцкіх арганізацый, такіх як "Ісламская дзяржава" і Аль-Каіда (забаронены ў Расіі).
Сердзюкоў падкрэсліў, што неабходна ўдасканальваць механізмы калектыўнай бяспекі, умацоўваць ваенны патэнцыял арганізацыі.
Гэта дыктуе дынаміка развіцця падзей у свеце, у тым ліку ў рэгіёнах, якія суседнічаюць з краінамі АКДБ.
Гэта дыктуе дынаміка развіцця падзей у свеце, у тым ліку ў рэгіёнах, якія суседнічаюць з краінамі АКДБ.
