"Ваеннае становішча - гэта асаблівы прававы рэжым, які ўводзіцца ва Украіне або на асобных яе тэрыторыях у выпадку ўзброенай агрэсіі або пагрозы нападзення, наяўнасці небяспекі для дзяржаўнай незалежнасці Украіны і яе тэрытарыяльнай цэласнасці", - адзначаецца ў дакуменце. Ваеннае становішча можа быць уведзена пасля таго, як Вярхоўная рада зацвердзіць адпаведны ўказ прэзідэнта краіны.

"Мерамі прававога рэжыму ваеннага становішча па законе, у прыватнасці, з`яўляецца: ... інтэрніраванне грамадзян замежнай дзяржавы, якая пагражае нападзеннем або ажыццяўляе агрэсію супраць Украіны", - гаворыцца ў тлумачальнай запісцы.

Акрамя таго, згодна з законам рэжым ваеннага становішча аўтаматычна ўвядзе працоўную павіннасць для працаздольнага насельніцтва, каменданцкую гадзіну, дазволіць прымусовае адчужэнне маёмасці, забароніць сходы і мітынгі, дзейнасць непажаданых палітычных партый, рэгуляванне СМІ, абмежаванне свабоды перамяшчэння грамадзян і інш.

Раней Прэзідэнт Украіны Пётр Парашэнка заяўляў, што ваеннае становішча ва Украіне можа быць уведзена за некалькі гадзін у выпадку неабходнасці.

8 чэрвеня 2015, Кіеў
БЕЛТА - ТАСС