Сумесную заяву зачытаў пастаянны прадстаўнік Беларусі пры АБСЕ Валерый Варанецкі 9 мая на пасяджэнні Пастаяннага савета АБСЕ.
Дакумент быў прымеркаваны да 68-й гадавіны перамогі ў Вялікай Айчыннай вайне, паведамляе беларускае пасольства ў Аўстрыі.
Аўтары заявы — дэлегацыі Азербайджана, Арменіі, Беларусі, Казахстана, Кыргызстана, Расіі, Таджыкістана і Узбекістана — адзначаюць "вырашальны ўнёсак народаў краін СНД у вялікую перамогу над фашызмам", а таксама падкрэсліваюць "важнасць захавання светлай памяці аб подзвігах і ахвярах найбуйнейшай чалавечай катастрофы ХХ стагоддзя". "Увага АБСЕ была прыцягнутая да неабходнасці беражлівага стаўлення да месцаў пахаванняў, помнікаў і мемарыяльных комплексаў Другой сусветнай вайны, недапушчэння іх апаганьвання, а таксама супрацьдзеяння любым спробам абяліць злачынствы нацыстаў і іх памагатых", — паведамляе пасольства.
У заяве таксама прагучаў заклік аб`яднаць намаганні міжнароднай супольнасці ў барацьбе з новымі выклікамі і пагрозамі, у прыватнасці, з ростам праяўленняў неанацысцкай ідэалогіі, агрэсіўнага нацыяналізму, экстрэмізму і ксенафобіі.
БелаПАНМінск, 11 мая 2013
