Аб гэтым, як паведаміла прэс-служба Выканаўчага камітэта Садружнасці, паведаміў 19 чэрвеня ў Мінску перад пачаткам пасяджэння Савета пастаянных прадстаўнікоў дзяржаў СНД выканаўчы сакратар гэтай арганізацыі Сяргей Лебедзеў.
"Усё складваецца так, што ў наступным годзе Беларусі будзе прапанавана ў парадку ратацыі стаць старшынёй Садружнасці. Наколькі я ведаю, пярэчанняў супраць таго, каб прыняць старшынства, у кіраўніцтва краіны няма. Гэтае пытанне мы цяпер узгадняем", – сказаў Лебедзеў.
Пры гэтым ён падкрэсліў, што Беларусь з`яўляецца актыўным удзельнікам інтэграцыйнага супрацоўніцтва і, "калі яна прыме старшынства, то паспяхова справіцца з ім, таму што мае вялікі вопыт".
Лебедзеў таксама дадаў, што супрацоўніцтва з краінамі СНД, Выканкамам Садружнасці, галіновымі саветамі ў беларускага боку вельмі шчыльнае, тут багаты вопыт правядзення буйных мерапрыемстваў.
Рашэнне аб старшынстве будзе прынята на лістападаўскім саміце ў Ашхабадзе.
Нагадаем, Узбекістан і Украіна ўстрымаліся ад прыняцця на сябе ў 2013 годзе функцый старшыні ў СНД па аб`ектыўных прычынах. Украіна, напрыклад, у наступным годзе будзе старшынстваваць у Арганізацыі па бяспецы і супрацоўніцтве ў Еўропе.
Пытанне, якое тычыцца магчымага старшынства Беларусі ў СНД у 2013 годзе, Лебедзеў абмяркоўваў 18 мая з прэм`ер-міністрам Міхаілам Мясніковічам і міністрам замежных спраў Сяргеем Мартынавым.
Вячаслаў Будкевіч,
БелаПАНМінск, 19 чэрвеня 2012
