Беспрацоўе ў зоне еўра ў кастрычніку дасягнула новага гістарычнага максімуму — 10,3%, паведамляюць інфармагенцтвы са спасылкай на інфармацыю Еўрастата.
Папярэдні рэкорд на ўзроўні 10,2% быў зарэгістраваны ў верасні гэтага года.
Апублікаваныя звесткі па еўразоне аказаліся горшымі за прагноз аналітыкаў, якія чакалі значэнні паказчыку на ўзроўні ў 10,2%.
Максімальны ўзровень беспрацоўя па-ранейшаму фіксуецца ў Іспаніі, дзе ён склаў 22,8%, вельмі высокія паказчыкі таксама ў Грэцыі і Латвіі. Самы нізкі ўзровень быў адзначаны ў Аўстрыі (4,1%). Затым ідуць Люксембург (4,7%) і Нідэрланды (4,8)%.
У 17 дзяржавах еўразоны ў кастрычніку налічвалася каля 16,294 млн беспрацоўных, што на 126 тыс. вышэй за ўзровень верасня.
Звязда, 1 снежня 2011
