Пра гэта прэзыдэнт Украіны заявіў 28 кастрычніка ў Львове на адкрыцьці стадыёну «Арэна Львоў».
Пытаньне назвы для львоўскага лётнішча мае вырашыць Львоўская мястовая рада. Такім чынам Віктар Януковіч адказаў на запыт пра ягонае стаўленьне да магчымасьці назваць лётнішча ў Львове імем кіраўніка АУН Сьцяпана Бандэры.
«Рашэньне будзе прымаць мястовая рада. Якое б яна рашэньне ні прыняла, згодна з украінскім заканадаўствам, так і будзе», заявіў украінскі прэзыдэнт.
Раней дэпутаты Львоўскай рады прагаласавалі за тое, каб зьвярнуцца да прэм`ер-міністра Ўкраіны Міколы Азарава з патрабаваньнем прысвоіць новаму лётнішчу імя правадыра ўкраінскіх нацыяналістаў Сьцяпана Бандэры. Тым часам мэр Львова Андрэй Садовы прапануе назваць лётнішча імем караля Данілы.
Новае лётнішча збудаванае ў Львове да футбольнага чэмпіянату Эўропы 2012.
Сьцяпан Бандэра сёлета за прэзыдэнтам Віктарам Юшчанкам быў прызнаны нацыянальным героем Украіны і таксама сёлета, але ўжо за прэзыдэнтам Януковічам, гэтага званьня пазбаўлены.
28 кастрычніка 2011
Радыё Свабода
