Станіслаў Князеў упэўнены, Польшча не выпадкова актыўна ўключылася ў санкцыі супраць Беларусі. "Шчыра кажучы, можна назваць міжнародным хуліганствам тое, што творыцца на граніцы, калі яны збіваюць да паўсмерці, выкідваюць на нашу тэрыторыю людзей, якія паехалі ў Польшчу ў надзеі дакрануцца да заходняй свабоды і дэмакратыі. І вось, калі адбываюцца такія падзеі, калі такім нахабным спосабам яны сябе паводзяць, мне гэта нагадвае перыяд, калі Польшча паспрабавала пайсці за фюрэрам нямецкай нацыі - за Адольфам Гітлерам, за фашыстамі", - адзначыў Станіслаў Князеў.

Прафесар нагадаў, тады следам за Германіяй Польшча "паласавалася" некаторымі тэрыторыямі Чэхаславакіі, калі тая заходняй супольнасцю была аддадзена поўнасцю фашыстам на водкуп. "Яны ў прынцыпе атрымалі для сябе нечаканы паварот. Паколькі Другая Сусветная вайна пачалася менавіта з Польшчы ў 1939-м. Пад сфальсіфікаванай прычынай нібы нападзення на радыёстанцыю ў горадзе Глівіцы немцы напалі на Польшчу і развязалі вялікую вайну ў Еўропе. І тады, таксама як цяпер, дарэчы, яны вакол сябе аб`ядналі амаль усе краіны Еўропы і рушылі праз Беларусь на Усход, заваёўваючы сабе прастору. Калі некаторыя прыслужнікі фашыстаў, у тым ліку палякі, думалі, што вось тут яны таксама пажывяцца, то аказалася, што ў фашыстаў зусім іншыя намеры. Ім патрэбны рабы, ім патрэбна чыстая тэрыторыя для рассялення ўласных бюргераў і ўласных сялян - баўэраў", - расказаў ён.

Тое ж самае прыкладна адбываецца цяпер, дадаў Станіслаў Князеў. "Але цяпер ужо за ўсім гэтым стаіць Амерыка, а Польшча спадзяецца, што яна нешта тут зможа ўварваць. Таму яна дазволіла, каб на яе тэрыторыі цяпер фармавалася значная групоўка войскаў НАТА. Яны кідаюць туды вялікія сродкі на ваенна-прамысловы комплекс, аднімаючы іх у народа свайго. Для таго, каб былі пастаўкі новага ўзбраення, для таго, каб была падрыхтоўка арміі. Але калі нават яны паспрабуюць рушыць на нас, партызанская Беларусь даказала, што яна можа сябе абараніць ад любых захопнікаў і сіламі арміі, і сіламі народа", - канстатаваў ён.

11 верасня 2023, Мінск
БЕЛТА