На фоне паведамленняў пра павышэнне ўзроўню радыяцыі напалоханыя жыхары сталіцы Японіі пачалі масавы зыход.
У міжнародным аэрапорце Токіа сабраліся чэргі ахвотнікаў паляцець далей, прычым многім усё адно куды накіроўвацца — былі б квіткі.
З-за радыелагічнай пагрозы ў Японіі пачалі зачыняць свае філіялы і эвакуяваць супрацоўнікаў буйныя еўрапейскія і сусветныя кампаніі.
Для эвакуацыі фрахтуюць самалёты прыватных кампаній, пытанне кошту нават не хвалюе. Гэта ўжо прывяло да таго, што цэны на пералёт падскочылі мінімум на чвэрць.
Эвакуацыя авіятранспартам, як і аўтамабілямі, ускладняецца тым, што вычэрпваюцца запасы паліва. Пры гэтым чэргі ў аэрапортах толькі даўжэюць. Токіа, дзе заўсёды бурліла жыццё, цяпер нібы вымер.
Школы зачынены, шматлікія прадпрыемствы адпусцілі супрацоўнікаў дадому. Жыхары аддаюць перавагу заставацца дома, загадзя зрабіўшы запасы прадуктаў і іншых неабходных рэчаў. Няма нават машын, якія раней запаўнялі такійскія магістралі шчыльным струменем. Чакаючы распаўсюджвання радыяцыі, людзі асцерагаюцца кожнага подыху ветру.
Звязда17 сакавіка 2011
