"Украінскаму народу на самай справе трэба думаць не пра самасційнасць, не пра незалежнасць, як яны яе прадстаўляюць, а пра сталасць свайго мыслення. Трэба адпавядаць сваім амбіцыям на дзяржаўнасць. Вось беларускі народ - невялікі народ быццам бы ў параўнанні з украінскім, але ў яго якраз ёсць гэта свядомасць, разважлівасць. Мы разумеем, што ад дабра дабра не шукаюць, што нельга здраджваць памяці сваіх бацькоў і продкаў, што, груба кажучы, дзе нарадзіўся, там і спатрэбіўся. А колькі ўкраінцаў жыве цяпер у Канадзе, Аўстраліі, Злучаных Штатах Амерыкі, Аргенціне? Гэта даўно, гэта гістарычна, - сказаў Вадзім Ялфімаў. - Ёсць у нацыянальным характары беларусаў нешта такое, што ўтрымлівае ў нас разважлівасць. Мы разумныя і працоўныя людзі. І таму мы не спяшаемся кідацца з крайнасці ў крайнасць, як украінцы. То яны сябравалі з рускім народам, то яны ненавідзяць гэтых рускіх, не прымаюць і да таго падобнае. Але, вяртаючыся да перспектывы, вядома ж, рана ці позна братэрства наша адновіцца. Я ў гэтым упэўнены".

Антысавецкая прапаганда пачалася ва Украіне не з 2014 года. "Яна пачалася з 1987 года, яшчэ да перабудовы, інакш не было б гэтага выхаду з СССР, развалу і гэтак далей. Вось гэтыя амаль ужо 40 гадоў прапаганды павінны былі даць пэўныя вынікі, і яны іх далі. Самае страшнае з гэтых вынікаў - яны парадзілі ўжо цэлыя два пакаленні людзей, перакананых, што ім трэба ваяваць з Расіяй у тым ці іншым выглядзе. Спачатку эканамічна, потым - у літаральным сэнсе гэтага слова. Вось цяпер трэба, каб гэтыя два пакаленні сышлі, - падкрэсліў палітолаг. - Але, смею вас запэўніць, гэта не хуткая задача. Я ўжо недзе неяк сказаў - гадоў праз 30. Тады прыйдуць новыя людзі, якія зразумеюць, што сапраўды ў дружбе, інтэграцыі, аб`яднанні ў іх усё добра, і яны не аддадуць ужо гэтыя заваёвы".

"Гэта я назваў мінімальны тэрмін, - дапоўніў Вадзім Ялфімаў. - Таму ў бліжэйшы час мы павінны зыходзіць з таго, што гэта дзяржава нясе нам пагрозу. Самае галоўнае - абараніць народ, нашу дзяржаву. Самае галоўнае - мы цяпер выступаем адзіным фронтам, мы прапануем мір. Калі вы не гатовы на мір, калі вы на нас ідзяце вайной, ну што ж, атрымаеце тое, што вы хацелі".

1 чэрвеня 2023, Мінск
БЕЛТА