На гэтым участку была створана максімальна набліжаная да баявой тактычная абстаноўка, каб групоўка калектыўных сіл АДКБ магла адпрацаваць вучэбна-баявыя задачы, расказалі ў Аб’яднаным штабе АДКБ.

Па задумцы вучэнняў, умоўны праціўнік захапіў некалькі населеных пунктаў, спыніў рух па чыгунцы і здзейсніў некалькі тэрактаў.

Калектыўныя сілы АДКБ падрыхтавалі сумесную аперацыю з тым, каб вызваліць захопленую тэрыторыю, знішчыўшы або ўзяўшы ў палон баевікоў, а таксама аднавіць становішча паблізу ад беларускай дзяржмяжы.

Для рэалізацыі аперацыі ваенныя сфармавалі баявыя групы інтэрнацыянальнага складу, у кожнай з якіх была свая задача – блакаванне ўмоўнага праціўніка, прыкрыццё сваіх байцоў і паражэнне цяжкай тэхнікі захопнікаў, штурм апорных пунктаў, агнявое паражэнне, супрацьпаветраная абарона, кіраванне беспілотнікамі, эвакуацыя і шэраг іншых.

Групы, у склад якіх былі ўключаны падраздзяленні ад Беларусі, Кыргызстана, Расіі і Таджыкістана, працавалі максімальна зладжана. Быў вызначаны дакладны баявы парадак дзеянняў, распісаны літаральна па секундах.

Кіраўнік штаба Арганізацыі Анатоль Сідараў адзначыў высокую баявую вывучку і зладжанасць дзеянняў ваеннаслужачых і дадаў, што "праяўленыя ўсімі ўдзельнікамі вучэнняў якасці дазволілі выпрацаваць задуму сумесных дзеянняў, прыняць абгрунтаваныя рашэнні і дасягнуць пастаўленых мэт".

Таксама на фінальным эпізодзе прысутнічалі ваенныя аташэ і прадстаўнікі пасольстваў з 19 краін, 3 з якіх – прадстаўнікі краін НАТА, заявілі ў Мінабароны Беларусі.

Усяго падчас манеўраў "Баявога брацтва" ў Беларусі было задзейнічана больш за 2 500 вайскоўцаў і больш за 500 адзінак узбраення, ваеннай і спецыяльнай тэхнікі.

Sputnik, 6 верасня 2023