«Увосень абвастрэнне алергічных захворванняў можа правакаваць не толькі ўздзеянне алергенаў, але і хуткі рост захворвання на вострыя рэспіраторныя інфекцыі, — тлумачыць эксперт. — Праз пашкоджаныя, запалёныя слізістыя абалонкі алергенам трапляць у арганізм лягчэй».

Але і прычынна-значных алергенаў восенню дастаткова. У цэлым асноўнымі відамі з’яўляюцца споры мікраскапічных плесневых грыбоў, а таксама пылок пустазельных траў пры зацяжным «бабіным леце».

Іншымі словамі, калі восень цёплая, сонечная, то алергікам варта чакаць працягу сезоннай алергіі на пылок раслін. А пры хуткім пахаладанні і асабліва падвышанай вільготнасці на вядучае месца выходзіць алергія на споры плесневых грыбоў.

Дарэчы, алергія на споры грыбоў можа выяўляцца не толькі восенню, але і самай ранняй вясной, пры раставанні снегу і агаленні леташняга апалага лісця, у якім і размнажаецца грыбок.

Для таго каб лягчэй перанесці прыступы алергіі, дасведчанаму аб сваёй хваробы чалавеку трэба звярнуцца да алерголага-іммунолога.

Урач загадзя прызначыць прэпараты, якія здымуць вострыя праявы алергіі.

Звязда, 10 кастрычніка 2022