Супрацоўнікамі рэспубліканскага пункта мытнага афармлення "Прывалка-1" Гродзенскай рэгіянальнай мытні на працягу аднаго дня былі выяўлены дзве спробы незаконнага перамяшчэння тавараў у тайніках, вырабленых высокатэхналагічным спосабам з выкарыстаннем спецыяльных ведаў у галіне электрамеханікі. 

Як зазначае прэс-група Гродзенскай рэгіянальнай мытні, кошт тытунёвых вырабаў у агульнай колькасці больш як 4 тысячы пачкаў цыгарэт, знойдзеных у тайніках, адносна невялікі. Аднак вадзіцелям мікрааўтобусаў за перамяшчэнне тавараў з утойваннем ад мытнага кантролю пагражае канфіскацыя транспартных сродкаў, якія папярэдне ацэненыя на агульную суму 335 млн. рублёў. 

Аляксей Арэшка, БелаПАН
Мінск, 16 мая 2015