Як паведаміў афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч, Гродзенскім міжраённым аддзелам СК распачатая крымінальная справа на падставе ч. 1 арт. 13 і ч. 2 арт. 171 КК (падрыхтоўка да арганізацыі і выкарыстання заняцця прастытуцыяй, звязаная з вывазам за межы дзяржавы).
22 красавіка каля 18 гадзін на аўтадарозе М6 Гродна — Мінск аператыўнымі супрацоўнікамі ўпраўлення наркакантролю і супрацьдзеяння гандлю людзьмі УУС Гродзенскага аблвыканкама былі затрыманыя два грамадзяніны Расіі 1985 года нараджэння. Яны завербавалі для заняцця прастытуцыяй і спрабавалі вывезці аўтамашынай у Яраслаўль дзвюх жыхарак Гродна 1984 і 1986 гадоў нараджэння.
Падчас правядзення допытаў і іншых следчых дзеянняў следчыя ўстанавілі, што заняцце прастытуцыяй у Яраслаўлі маскіравалася аказаннем эскорт-паслуг. Палову заробленых ад супрацьпраўнай дзейнасці грошай жанчыны павінны былі перадаваць сутэнёрам, якія абавязаліся стварыць ім умовы для аказання сексуальных паслуг і забяспечваць кліентамі.
Абодва расіяніны затрыманыя па непасрэдна ўзніклым падазрэнні ва ўчыненні злачынства. Вырашаецца пытанне абрання ў дачыненні да іх меры стрымання ў выглядзе ўзяцця пад варту. Аўтамабіль падазроных канфіскаваны і прызнаны рэчавым доказам.
Мінск, 24 красавіка 2015
Вячаслаў Будкевіч, БелаПАН
