Камандаваньне ваеннай апэрацыі ў Лібіі пацьвердзіла, што самалёт НАТО выпадкова атакаваў войскі лібійскіх паўстанцаў у часе авіяналёту мінулага чацьвярга.
Самалёты альянсу скінулі бомбы на калёну вайсковай тэхнікі, якая рухалася па тэрыторыях, падкантрольных Муамару Кадафі.
НАТО 18 чэрвеня абнародавала заяву, у якой выказвае шкадаваньне ў сувязі зь гібельлю людзей у выніку інцыдэнту.
З пачатку вайсковай апэрацыі ў Лібіі паўстанцы і мірнае насельніцтва неаднаразова станавіліся ахвярамі авіярэйдаў НАТО.
18 чэрвеня 2011
Радыё Свабода
