У мерапрыемстве ўзялі ўдзел вядучыя навукоўцы і спецыялісты арганізацый Нацыянальнай акадэміі навук Беларусі і Міністэрства аховы здароўя.

Удзельнікі Міжведамаснай рабочай групы разгледзелі распрацаваны план мерапрыемстваў па стварэнні вакцыны супраць COVID-19.

У ходзе пасяджэння было адзначана, што неабходна стварыць айчынную навуковую школу з экспертаў для адаптацыі і ацэнкі ўжо існуючых і стварэння новых вакцын супраць патэнцыйна небяспечных агентаў. Асаблівая ўвага надавалася важнасці стварэння айчыннай вакцыны супраць COVID-19, паколькі існуе залежнасць цыркулюючых у папуляцыі штамаў ад рэгіёна.

Разгледжана таксама магчымасць фармавання дадатковай падпраграмы, прысвечанай навуковым даследаванням COVID-19, у Дзяржаўнай праграме "Навукаёмістыя тэхналогіі".

Надзея Нікалаева
Звязда, 17 ліпеня 2020