Міністр нагадаў, што нядаўна паміж Прэзідэнтам Беларусі Аляксандрам Лукашэнкам і бізнесменам Міхаілам Гуцарыевым была дасягнута асабістая дамоўленасць аб пастаўцы ў нашу краіну дзесяці камп`ютарных тамографаў. Паводле слоў Уладзіміра Караніка, два апараты будуць устаноўлены ў стацыянарах, а восем - у цэнтральных раённых паліклініках Мінска.

"Такім чынам, у Мінску ў бліжэйшыя паўтара месяца ўсе цэнтральныя паліклінікі будуць мець камп`ютарныя тамографы", - падкрэсліў ён.

Уладзімір Каранік адзначыў, што ў Беларусі прадаўжаецца будаўніцтва і мадэрнізацыя ўстаноў аховы здароўя - 250 аб`ектаў за апошнія пяць гадоў. Гэта работа будзе праводзіцца і далей.

Як паведамлялася, першы з дзесяці тамографаў ужо ўстаноўлены ў новым неўралагічным корпусе 5-й клінічнай бальніцы Мінска. Абсталяванне, якое ажыццяўляе 128 зрэзаў за абарот, забяспечвае высокую якасць даследаванняў для любой катэгорыі пацыентаў.

21 ліпеня 2020, Гомель
БЕЛТА