Сустрэча была прысвечаная абмеркаванню актуальных пытанняў у галіне прасоўвання гендарнай роўнасці і жаночага лідарства, у тым ліку пытанняў магчымага ўліку гендарнай праблематыкі ў межах усяго заканадаўчага працэсу, паведамляе прэс-служба ніжняй палаты.

"Асобнай тэмай дыскусіі сталі пытанні пашырэння ўдзелу жанчын у палітычным і грамадскім жыцці, развіцця жаночага прадпрымальніцтва, адпаведнага прававога, арганізацыйнага і адміністрацыйнага забеспячэння", — адзначылі ў Палаце прадстаўнікоў.

Акрамя таго, парламентарыі азнаёміліся з "міжнароднымі стандартамі і перадавымі практыкамі ў гэтай сферы".

У мерапрыемстве ўзялі ўдзел дэпутаты Тамара Красоўская, Людміла Макарына-Кібак, Валянціна Курсевіч, Алена Астапюк, Вольга Петрашова, Валянціна Ражанец і Ганна Старавойтава.

Ад БДІПЧ АБСЕ ўдзельнічалі начальнік аддзела дэмакратычнага кіравання і гендарных пытанняў Цііна Кукамаа-Бах, саветнік па пытаннях гендарнай роўнасці Айла Ван Хеель і эксперт па гендарных пытаннях Джэніфер Шкабатур.

Паводле вынікаў сустрэчы бакі "выказалі намер працягнуць распачаты дыялог па пытаннях, што ўяўляюць узаемную цікавасць".

Аляксей Аляксандраў, БелаПАН
Мінск, 27 сакавіка 2019