"Праграма па дасягненні Мэт устойлівага развіцця прынята ААН яшчэ ў 2015 годзе. У яе аснове дасягненні мэт у галіне эканомікі, сацыяльнай сферы і экалогіі. Беларусь на сённяшні дзень з`яўляецца прыкладам практычнай рэалізацыі тых палажэнняў праграмы, якія прыняты, - сказаў Сяргей Хаменка. - Па выніках 2024 года наша краіна займае 30-е месца ў свеце па дасягненні Мэт устойлівага развіцця. Такія напрамкі, як экалогія, развіццё эканомікі і сельскай гаспадаркі з`яўляюцца прыкладам для многіх дзяржаў. Ну і, вядома ж, фундаментам Мэт устойлівага развіцця з`яўляецца мірнае суіснаванне і недапушчэнне ніякіх канфліктаў, ні на якой глебе. Таму што ва ўмовах вайны або канфлікту ўстойлівае развіццё немагчыма. Аб гэтым неаднаразова гаварыў Прэзідэнт Беларусі Аляксандр Лукашэнка: без міру развіцця быць не можа".

Нацыянальны каардынатар паведаміў, што сённяшняе пасяджэнне Каардынацыйнага камітэта па рэалізацыі праекта міжнароднай тэхнічнай дапамогі "Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця" будзе ўключаць у сябе падвядзенне вынікаў і дасягненняў у 2024 годзе і вызначэнне задач на 2025-ы.

Сяргей Хаменка спыніўся асобна на задачах. "На мой погляд, аб іх вельмі канкрэтна гаворыцца ва ўказах кіраўніка дзяржавы, дзе вызначана, што 2025-ы - гэта Год добраўпарадкавання, а бліжэйшая пяцігодка - пяцігодка якасці. Мы разумеем, што Мэты ўстойлівага развіцця - гэта фундамент для жыццядзейнасці наступных пакаленняў. І мы павінны стварыць усе ўмовы, каб наступныя пакаленні жылі ў чыстым прыродным асяроддзі, каб створаны эканамічны фундамент садзейнічаў далейшаму развіццю нашай дзяржавы. І размова сёння будзе ісці аб тым, як сумесна з ААН і іншымі міжнароднымі арганізацыямі рэалізаваць гэта на практыцы", - дапоўніў ён.

4 лютага 2025, Мінск
БЕЛТА