У пачатку таргоў на Беларускай валютна-фондавай біржы нацыянальная валюта стала расці ў кошце ў параўнанні з еўра і доларам.
Сёння еўрапейская валюта працягнула трэнд на паслабленне курса ў сувязі з негатыўнай кан`юнктурай у еўразоне. Па стане на 10:39 еўра асеў на 0,37% да адзнакі 2,6164 беларускага рубля.
Следам нечакана стаў падаць у кошце і долар, што супярэчыць настроям на міжнародных пляцоўках. Па стане на 10:39 ён страціў адчувальныя 0,53% і замёр на ўзроўні 2,5806 беларускага рубля.
Расійская валюта таксама павяла сябе насуперак трэндам, стала расці на старце таргоў. Па стане на 10:39 яна дадала важкія 0,55%. На біржы за 100 расійскіх прасілі 4,2375 беларускага рубля.
Кітайская валюта (нягледзячы на тое, што ўвайшла ў склад валютнага кошыка рэгулятара) працягвае падаць у кошце. Па стане на 10:55 яна патаннела яшчэ на 0,32%. Падчас таргоў за 10 юаняў прапанавалі 3,8050 беларускага рубля.
