https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларуска Гуліна выйграла малы срэбны медаль на ЧЕ па цяжкай атлетыцы


У сталіцы Балгарыі Сафіі працягваецца чэмпіянат Еўропы па цяжкай атлетыцы, на якім у нейтральным статусе выступаюць беларускія спартсмены.
У другі дзень спаборніцтваў на памост ЧЕ выйшлі жанчыны, якія выступаюць у катэгорыі да 55 кг. Нашу каманду ў гэтай вазе прадстаўляе Юлія Гуліна. У першым практыкаванні - рыўку - беларуска паслядоўна справілася са штангай вагой 80, 83 і 85 кг, дзякуючы чаму стала ўладальніцай малой срэбнай узнагароды. Падняць на адзін кілаграм больш здолела толькі Суль Анет Валер з Нарвегіі. Спаборніцтвы прадаўжаюцца падыходамі спартсменак у штуршку.

У штуршку Гуліна выступіла не так паспяхова: наша спартсменка з другой спробы ўзяла 98 кг, а падыход на 102 кг аказаўся няўдалым. Сума беларускі 183 кг прынесла ёй падагульняючае шостае месца сярод 15 удзельніц. Чэмпіёнкай Еўропы стала італьянка Селін Дэлія, срэбра ўзяла Аляксандра Грыгаран з Арменіі, нарвежка Валер - трэцяя.

Заўтра на балгарскі памост выйдуць двое прадстаўнікоў Беларусі: у вазе да 59 кг у жанчын за медалі будзе змагацца Аліна Шчапанава, а ў катэгорыі да 67 кг у мужчын выступіць Генадзь Лапцеў.

Усяго чэмпіянат Еўропы па цяжкай атлетыцы сабраў больш за 350 спартсменаў з 41 краіны Еўропы, таксама ў Сафію прыбылі спартсмены з ЗША. Кантынентальны форум завершыцца 18 лютага.

Гэты турнір з`яўляецца адным з пяці абавязковых кваліфікацыйных стартаў, на якіх фармуецца сусветны рэйтынг для ўдзелу ў Алімпійскіх гульнях 2024 года ў Парыжы. Ліцэнзіі на Алімпіяду атрымаюць штангісты, якія завершаць адборачны перыяд з вынікамі ў дзясятцы мацнейшых у сваёй вагавой катэгорыі.

13 лютага 2024, Мінск
БЕЛТА
 
Дата публикации:13.02.2024
Тематика:Новости, Разное
Просмотров:131
 
Ключевые слова:
Спорт в Беларуси Тяжёлая атлетика Чемпионат Европы Нейтральный статус
 
 


Комментарии



 



Другие новости по этой теме