Пра гэта заявіла эксперт СААЗ па рэагаванні на COVID-19 Марыя Ван Керкхове.

Гэта вырашылі зрабіць для таго, каб пазбегнуць дыскрымінацыі краін, у якіх гэтыя штамы выявілі ўпершыню.

«Ні адна з краін не павінна быць стыгматызаванай пры выяўленні і апавяшчэнні аб варыянтах каранавіруса», — патлумачыла Ван Керкхове.

Цяпер будуць прысвойваць назвы мутацыям віруса ў парадку іх знаходжання: брытанскі варыянт названы «альфа», паўднёваафрыканскі — «бэта», бразільскі — «гама», а два новыя індыйскія варыянты каранавіруса будуць называцца «дэльта» і «капа».

У СААЗ перакананыя, літары грэчаскага алфавіту павінны не толькі замяніць складаныя навуковыя вызначэнні, але і дапамагчы «публічнай дыскусіі», паколькі гэта спросціць тлумачэнне штаму ў час размовы.

Новая маркіроўка штамаў не прывядзе да адмовы ад дзеючай сістэмы навуковых найменняў, якія па-ранейшаму будуць прымяняцца ў прафесійных даследаваннях.

Звязда, 1 чэрвеня 2021