Паводле яе слоў, такі напой здольны не толькі сагрэць у халодную пару года, але і спрыяльна паўплываць на здароўе чалавека.

Какава паляпшае настрой, супакойвае, прадухіляе старэнне, а таксама аказвае станоўчае ўздзеянне на мозг і сардэчна-сасудзістую сістэму. Эксперт адзначыла, што ў какава-бабах змяшчаецца вялікая колькасць магнію, антыаксідантаў і поліфенолаў. Яны паляпшаюць сардэчна-сасудзістую сістэму і супрацьстаяць старэнню.

«Таксама былі даследаванні, што какава падтрымлівае кагнітыўныя функцыі мозгу і абараняе яго ад разбурэння. Какава стымулюе сінтэз гармонаў задавальнення, гэтак жа як і шакалад. Напой працуе як антыдэпрэсант і дзякуючы тэабраміну аказвае заспакойлівае ўздзеянне», — адзначыла ўрач.

Яна рэкамендавала піць натуральны напой з какава-бабоў. Таксама перад тым, як чалавек набудзе такі парашок, яму неабходна азнаёміцца з інфармацыяй на этыкетцы. Саламаціна расказала, з чаго ён павінен быць выраблены. 

«У складзе можа быць мала какавы, а ўсё астатняе — фарбавальнікі або араматызатары. Або там ужо дададзеныя сліўкі, малако на аснове пальмавага алею, а таксама вялікая колькасць цукру. Такую какаву лепш не выбіраць», — удакладніла спецыяліст.

Звязда, 27 снежня 2024