Удзельнікі 17-й Беларускай антарктычнай экспедыцыі павіншавалі грамадзян рэспублікі з Новым годам, паведамілі ў прэс-службе Нацыянальнай акадэміі навук.
"Каманда шле самыя цёплыя віншаванні з Новым годам і Нараджэннем Хрыстовым сваім родным і блізкім, усім жыхарам нашай цудоўнай краіны", - сказаў кіраўнік экспедыцыі Аляксей Гайдашоў.
Даследчыкі пажадалі ўсім адзінства і мірнага неба, моцнага палярнага здароўя і сямейнай утульнасці, новых дасягненняў і працвітання.
Гайдашоў адзначыў, што новы год павінен парадаваць усіх выкананнем запаветных жаданняў, прынесці ў дамы толькі дабрабыт.
Чарговая Беларуская антарктычная экспедыцыя стартавала 28 кастрычніка бягучага года. У яе адправіліся 14 чалавек, якія зараз знаходзяцца на беларускай станцыі "Гара вячэрняя".
Упершыню спецыялісты з Беларусі пачалі даследаваць антарктычны кантынент у канцы 1950-х у складзе савецкіх экспедыцый. З 2006 года рэспубліка праводзіць самастойныя навуковыя пошукі на Паўднёвым полюсе планеты.
