У Расеі ад сёньня ўведзеная забарона на ўвоз сьвежай гародніны зь Нямеччыны ды Гтшпаніі з-за выбуху там кішачнай інфэкцыі. Як паведаміў галоўны санітарны лекар краіны Генадзь Анішчанка, калі сытуацыя не палепшыцца, забарона распаўсюдзіцца на ўсю эўрапейскую гародніну.
Крыніцай інфэкцыі лічаць кансэрваваныя агуркі з Гішпаніі. Большасьць выпадкаў заражэньня і сьмяротных сыходаў зарэгістраваная ў Нямеччыне – там загінулі 10 чалавек, каля 300 - пераважна, жанчыны - маюць сымптомы захворваньня.
Радыё Свабода30 траўня 2011
