https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларускі ўрад уводзіць часовую забарону на вываз асобных відаў паперы


Савет Міністраў прыняў пастанову нумар 274 «Аб увядзенні часовай забароны на вываз асобных відаў тавараў», паведамляе Нацыянальны прававы інтэрнет-партал.
Забарона распаўсюджваецца на вываз паперы з тэрмаадчувальным пакрыццём для вытворчасці чэкавай стужкі, рулонаў для факсаў, а таксама самакапіявальнай (тэрмаленты).

Устанаўліваецца забарона на вываз названых тавараў незалежна ад краіны паходжання за межы Беларусі ў дзяржавы — члены ЕАЭС; змешчаных пад мытныя працэдуры экспарту, часовага вывазу, перапрацоўкі па-за мытнай тэрыторыяй і рээкспарту за межы мытнай тэрыторыі ЕАЭС у Беларусі ў дзяржавы, якія не з’яўляюцца членамі ЕАЭС; змешчаных пад мытныя працэдуры ў Беларусі да ўступлення ў сілу пастановы нумар 274 і фактычны вываз якіх за межы краіны ажыццяўляецца пасля ўступлення яе ў сілу.

Пад дзеянне прававога акта не падпадаюць тавары, якія вывозяцца для аказання міжнароднай гуманітарнай дапамогі замежным дзяржавам на падставе рашэнняў урада Беларусі, у якасці запасаў, якія таксама перамяшчаюцца ў рамках міжнародных транзітных перавозак.

Пастанова ўступае ў сілу пасля яе афіцыйнага апублікавання і дзейнічае на працягу трох месяцаў.

Звязда, 6 траўня 2022
 
Дата публикации:06.05.2022
Тематика:Товары из Беларуси, Разное
Просмотров:780
 
Ключевые слова:
Офисная бумага Термочувствительная бумага Экспорт
 
 


Комментарии



 



Другие новости по этой теме