https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Рассмакавалі беларускія прадукты: аб’ём закупак Прымор’я вырас у 16 разоў


Далёкаўсходні рэгіён актыўна закупляе беларускія прадукты харчавання і тэхніку, а таксама забяспечвае марскі транзіт грузаў.
Агульны тавараабарот Беларусі і Прымор’я за тры гады вырас у 3,5 разы, паведаміў губернатар Прыморскага края РФ Алег Кажамяка на сустрэчы з прэзідэнтам Беларусі Аляксандрам Лукашэнкам.

"Добра пайшлі прадукты харчавання беларускія. Там рост у нас з 2019 па 2021 гады ў восем разоў. Гэта значыць, мы выйшлі на 1 млрд (расійскіх рублёў). І зараз выходзім у 2022 годзе на 2 млрд – гэта ў 16 разоў за тры гады. Прымарчане рассмакавалі беларускую прадукцыю", - сказаў губернатар.

Па агульным тавараабароце ў 2021 годзе сума была 4,5 млрд расійскіх рублёў (180 млн беларускіх), а па выніках гэтага года чакаецца 6 млрд (240 млн беларускіх).

Кажамяка дадаў, што Прымор’е актыўна купляе і беларускую тэхніку. З пачатку года набылі больш за сотню адзінак, у тым ліку больш за два дзесяткі машын БелАЗ. Ствараецца сервісны цэнтр, дзе можна будзе абслугоўваць тэхніку з Беларусі.

Таксама праз порт Уладзівастока ідуць грузы, у тым ліку, у інтарэсах беларускіх кампаній. Напрыклад, сярод заказчыкаў СЗАТ "БЕЛДЖЫ", якое вырабляе аўтамабілі Geely.

Губернатар Прымор’я Алег Кажамяка – адзін з самых актыўных кіраўнікоў расійскіх рэгіёнаў па супрацоўніцтве з Беларуссю. Сённяшні візіт у Беларусь ужо трэці па ліку ў 2022 годзе.

Мінск, 28 лістапада 2022
Sputnik
 
Дата публикации:28.11.2022
Тематика:Товары из Беларуси, Разное
Просмотров:720
 
Ключевые слова:
Приморье Дальний Восток Товароооборот
 
 


Комментарии



 



Другие новости по этой теме