https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Беларуская чыгунка павялічвае кошт квіткоў ва Украіну на 16—29%


Аб гэтым паведаміла прэс-служба БЧ.
Як патлумачыла прэс-служба, гэта звязана з тым, што АТ "Укрзалізниця" з 00 гадзін 27 красавіка 2019 года павялічвае кошт праезду пасажыраў у міжнародных зносінах па тэрыторыі Украіны з краінамі СНД, Грузіяй, Латвіяй, Літвой і Эстоніяй.

У сувязі з гэтым агульны кошт праезду ў міжнародных зносінах Беларусь — Украіна павялічыцца на 16—29% у залежнасці ад адлегласці накіравання пасажыраў па тэрыторыі Украіны і катэгорыі вагонаў.

Так, напрыклад, кошт праезду ў фірмовым цягніку № 86 Мінск — Кіеў у купэйным вагоне (без харчавання) павялічыцца на 16%, або 20,72 рубля, і складзе 154,35 рубля, у плацкартным вагоне — на 16%, або 13,07 рубля, і складзе 95,99 рубля.

Кошт праезду ў хуткім цягніку № 94 Мінск — Адэса ў купэйным вагоне павялічыцца на 29%, або 54,80 рубля, і складзе 243,74 рубля, у плацкартным вагоне — на 29%, або 34,63 рубля, і складзе 153,72 рубля.

Падрабязная інфармацыя пра кошт праезду ў іншых цягніках ў зносінах з Украінай публікуецца на афіцыйным сайце Беларускай чыгункі.

Марына Носава, БелаПАН
Мінск, 26 красавіка 2019
 
Дата публикации:26.04.2019
Тематика:Транспорт, Разное
Просмотров:75
 
Ключевые слова:
Беларуская чыгунка Украина Тариф Ценообразование
 
 


Комментарии



 



Другие новости по этой теме