Ілан Маск паказаў новы касмічны карабель: яго рыхтуюць да запуску

Генеральны дырэктар Tesla і SpaceX Ілан Маск паказаў фатаграфію новага касмічнага карабля Starship SN16, які можа быць запушчаны ў бліжэйшы час. Здымак бізнэсмэн апублікаваў у Twitter.

Як вядома, у пачатку мая прататып карабля Starship SN15 паспяхова завяршыў выпрабавальны палёт. Ён здзейсніўшы пасадку ў Бока-Чыка, штат Тэхас.

Менавіта пасля гэтага Ілан Маск заявіў, што SN15 можа быць паўторна запушчаны «у бліжэйшы час».

Разам з тым новай інфармацыі аб Starship SN15 няма, а вось Starship SN16 ужо рыхтуюць да запуску.

Дата новага запуску пакуль невядомая.

Раней наземныя выпрабаванні чатырох ранніх прататыпаў Starship скончыліся аварыямі.

Starship — перспектыўная суперцяжкая ракета. SpaceX яе распрацоўвае на замену ракетам Falcon. Чакаецца, што дзякуючы сваім характарыстыкам і магчымасцям, карабель патэнцыйна зможа ў бліжэйшыя гады несці пілатуемыя місіі для стварэння заселеных баз на Марсе і Месяцы.

Звязда, 29 траўня 2021