Расійская авіякампанія "Аэрафлот" адмяніла ўсе вячэрнія рэйсы ў Мінск з аэрапорта Шарамеццева і назад 22 чэрвеня, гаворыцца ў паведамленні на афіцыйным сайце перавозчыка.

У прыватнасці, адменены рэйсы SU1832, які павінен быў вылецець з Масквы ў 18:10 і зваротны - SU1833, вылет якога быў запланаваны на 20:30.

Прычына адмены рэйсаў - неспрыяльны метэапрагноз у аэрапорце Шарамеццева.

Усяго адменена 26 рэйсаў, як унутрырасійскіх, так і міжнародных. Вылет яшчэ шасці бартоў перанесены на больш позні час.

Пасажыраў перавозчык апавяшчае праз цэнтр браніравання і інфармацыі. "Аэрафлот" гарантуе тым, хто прыбыў на рэгістрацыю рэйсаў, забеспячэнне ўсім неабходным у адпаведнасці з федэральнымі авіяправіламі.

Мінск, 22 чэрвеня 2019
Sputnik