Адсутнасць дэмакратыі ў Беларусі з`яўляецца адной з галоўных праблем, якія стаяць перад НАТО ў 21 стагоддзі. Такое меркаванне выказаў былы прэзідэнт Польшчы Аляксандр Квасьнеўскі 7 кастрычніка падчас выступу ў межах Сусветнага форуму ва Уроцлаве (Польшча).
"Афганістан - гэта сур`ёзнае выпрабаванне для будучыні Альянсу, ніхто сёння не ведае, як скончыцца гэты канфлікт. Існуюць таксама рэгіянальныя канфлікты, Абхазія, Асетыя або адсутнасць дэмакратыі ў Беларусі", - распавёў былы польскі прэзідэнт, перадае PAP.
Аляксандр Квасьнеўскі адзначыў пры гэтым, што НАТО з`яўляецца не толькі ваенным альянсам, але і альянсам стандартаў і каштоўнасцяў.
Тэлеграф
8 кастрычніка 2010
